har daur kaa jo aks hai vo aaina hain ham — Malika Naseem

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

main kisi aur ko dekhun bhi to dekhun kaise
us ke khvaabon ki in aankhon pe nigahbaani hai

shiddat-e-tishna-labi aaj kahaan laai hai
pyaas sahraa ki samundar mein utar aai hai

vo laDkiyaan ki jo lagti thiin saada tahrirein
paDhi gaiin to anokhi paheliyaan niklin

umr guzri ik nigaah-e-lutf ki ummid mein
ham ko apne hauslon ki ye adaa achchhi lagi

kar gaiin maujein sharaarat jab bhi likkhaa teraa naam
ret par jitni lakirein thiin vo sab mil-jul gaiin

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

mauj-e-dariyaa kaa koi khauf nahin hai lekin
hain tabi'at pe giraan-baar kinaare is ke

hamesha shefta rakhte hain apne husn-e-qudrat kaa
khud us ki ruuh ho jaate hain jis kaa tan banaate hain

saahil saahil daar saje hain mauj mauj zanjirein hain
Dubne vaale dariyaa dariyaa jashn manaate rahte hain

ham pahaaDon ko raund aae the
jab saliqa nahin thaa chalne kaa

pahaaD bhaanp rahaa thaa mire iraade ko
vo is liye bhi ki tesha mujhe uThaanaa thaa