umr guzri ik nigaah-e-lutf ki ummid mein — Malika Naseem

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

main kisi aur ko dekhun bhi to dekhun kaise
us ke khvaabon ki in aankhon pe nigahbaani hai

shiddat-e-tishna-labi aaj kahaan laai hai
pyaas sahraa ki samundar mein utar aai hai

vo laDkiyaan ki jo lagti thiin saada tahrirein
paDhi gaiin to anokhi paheliyaan niklin

har daur kaa jo aks hai vo aaina hain ham
takhliq-e-kaaenaat kaa ik silsila hain ham

kar gaiin maujein sharaarat jab bhi likkhaa teraa naam
ret par jitni lakirein thiin vo sab mil-jul gaiin

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

phir usi bevafaa pe marte hain
phir vahi zindagi hamaari hai

umr bhar jis ke liye peT se baandhe patthar
ab vo gin gin ke khilaataa hai nivaale mujh ko

apni to is chaman mein nit umr yunhi guzri
yaan aashiyaan banaayaa vaan aashiyaan banaayaa