sab ke so jaane pe aflaak se kyaa kahtaa hai — Manmohan Talkh

kisi ke saath na hone ke dukh bhi jhele hain
kisi ke saath magar aur bhi akele hain

main khud mein gunjtaa huun ban ke teraa sannaaTaa
mujhe na dekh miri tarah be-zabaan ban kar

ham kai roz se be-vajh bahut khush hain chalo
zindagi ki ye adaaein bhi to dekhi jaaein

baar-haa khud pe main hairaan bahut hotaa huun
koi hai mujh mein jo bilkul hi judaa hai mujh se

duniyaa meri zindagi ke din kam karti jaati hai kyuun
khuun pasina ek kiyaa hai ye meri mazduri hai

shikaayat aur to kuchh bhi nahin in aankhon se
zaraa si baat pe paani bahut barastaa hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

vahi aansu vahi maazi ke qisse
jise dekho kaTe ko kaaTtaa hai

aur kuchh der gham nazar mein rakh
kyaa khabar mil hi jaae thaah kahin

ham ab udaas nahin sar-ba-sar udaasi hain
hamein charaagh nahin raushni kahaa jaae