havaa ke saath safar kaa na hausla thaa jise — Marghoob Hasan

yahi bahut hai ki miTTi jaDon se lipTi hai
vagarna aaj darakhton mein barg-o-baar nahin

mushkil kaa saamnaa ho to himmat na haariye
himmat hai shart saahib-e-himmat se kyaa na ho

vo bulaate to hain mujh ko magar ai jazba-e-dil
shauq itnaa bhi na baDh jaae ki jaae na bane

jazba-e-ishq salaamat hai to inshaa-allaah
kachche dhaage se chale aaeinge sarkaar bandhe

kyaa karishma hai mire jazba-e-aazaadi kaa
thi jo divaar kabhi ab hai vo dar ki surat

ghalat hai jazba-e-dil par nahin koi ilzaam
khushi mili na hamein jab to gham ki khu kar li

koi tohmat ho mire naam chali aati hai
jaise baazaar mein har ghar se gali aati hai