ghalat hai jazba-e-dil par nahin koi ilzaam — Anjum Azmi

tujh se parda nahin mire gham kaa
tu miri zindagi kaa mahram hai

koi to khair kaa pahlu bhi nikle
akelaa kis tarah ye shar rahegaa

biThaa ke saamne tum ko bahaar mein pi hai
tumhaare rind ne tauba bhi ru-ba-ru kar li

ab na vo josh-e-vafaa hai na vo andaaz-e-talab
ab bhi lekin tire kuche se guzar hotaa hai

niklo bhi kabhi sud-o-ziyaan se varna
kuche mein tire kaun bhalaa aaegaa

dil na kaaba hai ne kalisaa hai
teraa ghar hai harim-e-mariyam hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

khushaa vo dard ke lamhe ki tere jaane par
hamaari anjuman-e-gham mein lauT aae hain

kyaa jaane use vahm hai kyaa meri taraf se
jo khvaab mein bhi raat ko tanhaa nahin aataa

bachchon ko ham na ek khilaunaa bhi de sake
gham aur baDh gayaa hai jo tyauhaar aae hain