aah qaasid to ab talak na phiraa — Meer Mohammadi Bedar

nahin kuchh abr hi shaagird meri ashk-baari kaa
sabaq leti hai mujh se barq bhi aa be-qaraari kaa

kis tarah haal-e-dil kahun us gul se baagh mein
phirti hai us ke saath to har-dam sabaa lagi

junun ne dast-kaari aisi bhi ki
na thaa goyaa garebaan pairahan mein

ayaan hai shakl tiri yuun hamaare siina se
ki juun sharaab numaayaan ho aabgina se

saaye se apne vahshat karte hain misl-e-aahu
mushkil hai haath lagnaa az-khud ramidgaan kaa

jaataa hai chalaa qaafila-e-ashk shab o roz
maalum nahin us kaa iraada hai kahaan kaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil par pahan liyaa hai vo gajre ke jaisaa shakhs
lekin gale kaa haar nahin kar rahaa huun main

kunj-e-hairat se chale dasht-e-ziyaan tak laae
kaun laa saktaa hai ham dil ko jahaan tak laae

shikva-e-be-chaargi 'maikash' kisi se kyon karein
'ishq to mahrumi-e-dil ke sivaa kuchh bhi nahin

shikast-e-saaghar-e-dil ki sadaaein sun rahaa huun main
zaraa puchho to saaqi se ki paimaanon pe kyaa guzri