kaun se zakhm kaa khulaa Taankaa — Meer Ziauddin Zia

rusvaaiyon ki apni mujhe kuchh havas nahin
naaseh pa kyaa karun ki miraa dil pe bas nahin

bhuul kar bhi kabhi na yaad kiyaa
ham tire ji se aise bhuul gae

jama kar ke dard saare tu ne paidaa dil kiyaa
kah tu ai dast-e-qazaa is se kyaa haasil kiyaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

hijr thaa baar-e-amaanat ki tarah
so ye gham aakhiri hichki se uThaa

ai inqalaab-e-nau ke ujaale kahaan hai tu
saDkon pe mere shahr ki kab tak dhuaan rahe

un ki hasrat bhi nahin main bhi nahin dil bhi nahin
ab to 'bekhud' hai ye aalam miri tanhaai kaa