husn thaa teraa bahut aalam-fareb — Mir Taqi Mir

maarka garm to ho lene do khun-rezi kaa
pahle shamshir ke niche hamin jaa baiTheinge

jab ki pahlu se yaar uThtaa hai
dard be-ikhtiyaar uThtaa hai

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

kiyaa dard-o-gham ne mujhe naa-umid
ki majnun ko ye hi thiin bimaariyaan

ham be-khudaan-e-mahfil-e-tasvir ab gae
aainda ham se aap mein aayaa na jaaegaa

haath chaDh jaaiyo ai shaikh kisu ke na kabhu
launDe sab tere kharidaar hain maikhaane ke

ham ne to khud ko bhi miTaa Daalaa
tum ne to sirf bevafaai ki

samjhaa liyaa fareb se mujh ko to aap ne
dil se to puchh lijiye kyuun be-qaraar hai

vo kahte hain ye saari bevafaai hai mohabbat ki
na 'muztar' be-vafaa main huun na 'muztar' be-vafaa tum ho

tire aane kaa dhokaa saa rahaa hai
diyaa saa raat bhar jaltaa rahaa hai

doston se dushmani aur dushmanon se dosti
be-muravvat bevafaa be-rahm ye kyaa Dhang hai

ye bhi ik dhokaa thaa nairang-e-tilism-e-aql kaa
apni hasti par bhi hasti kaa huaa dhokaa mujhe