piv binaa dil miraa udaasi hai — Mirza Daood Beg

dekhnaa hai piyaa ki zulf-e-daraaz
yaa ilaahi mujhe de umr-e-daraaz

har kitaab-e-sohbat-e-rangin ke maani dekh kar
fard-e-tanhaai ke mazmun kuun kiyaa huun intikhaab

yak qadam raah-e-dost hai 'daaud'
lekin afsos paa-e-bakht hai lang

'vali' saani nahin daaud lekin
ghazal kahtaa hai har ik baa-talaazum

sun nasihat miri ai zaahid-e-khushk
ashk ke aab bin vuzu mat kar

sar kaaT kyuun jalaate hain raushan dilaan ke taiin
aahan-dili pe khalq ki khandaan huun misl-e-shama

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

kuchh dard ki shiddat hai kuchh paas-e-mohabbat hai
ham aah to karte hain fariyaad nahin karte

is tarah rahbar ne luuTaa kaarvaan
ai 'fanaa' rahzan ko bhi sadma huaa

qaid-e-gham-e-hayaat bhi kyaa chiiz hai 'fanaa'
raah-e-faraar mil na saki umr-bhar phire