har kitaab-e-sohbat-e-rangin ke maani dekh kar — Mirza Daood Beg

dekhnaa hai piyaa ki zulf-e-daraaz
yaa ilaahi mujhe de umr-e-daraaz

yak qadam raah-e-dost hai 'daaud'
lekin afsos paa-e-bakht hai lang

'vali' saani nahin daaud lekin
ghazal kahtaa hai har ik baa-talaazum

piv binaa dil miraa udaasi hai
gaah jogi hai gaah sanyaasi hai

sun nasihat miri ai zaahid-e-khushk
ashk ke aab bin vuzu mat kar

sar kaaT kyuun jalaate hain raushan dilaan ke taiin
aahan-dili pe khalq ki khandaan huun misl-e-shama

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dard-e-dil ke vaaste paidaa kiyaa insaan ko
varna taaat ke liye kuchh kam na the karr-o-bayaan

main mariz huun tire hijr kaa zaraa haath mein miraa haath le
tu ghamon kaa mere ilaaj kar miri baat sun tu abhi na jaa

meri khvaahish hai ki ji bhar ke use dekh to luun
hijr ke mumkina sadmaat se pahle pahle