adaa-e-khaas se 'ghaalib' huaa hai nukta-saraa — Mirza Ghalib

phir usi bevafaa pe marte hain
phir vahi zindagi hamaari hai

umr bhar dekhaa kiye marne ki raah
mar gae par dekhiye dikhlaaein kyaa

saadgi o purkaari be-khudi o hushyaari
husn ko taghaaful mein jurat-aazmaa paayaa

girni thi ham pe barq-e-tajalli na tuur par
dete hain baada zarf-e-qadah-khvaar dekh kar

naakaami-e-nigaah hai barq-e-nazaaraa-soz
tu vo nahin ki tujh ko tamaashaa kare koi

marte hain aarzu mein marne ki
maut aati hai par nahin aati

barseingi aaj rahmatein aamad hai yaar ki
naayaab hain ye ghaDiyaan tire intizaar ki

jab ki pahlu se yaar uThtaa hai
dard be-ikhtiyaar uThtaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

be-zabaani tarjumaan-e-shauq behad ho to ho
varna pesh-e-yaar kaam aati hai taqrirein kahin

ham subuk-ruh asiron ke liye laazim hai
qafas-e-gul ko kare baad-e-bahaari tayyaar

hai vahaan shaan-e-taghaaful ko jafaa se bhi gurez
iltifaat-e-nigah-e-yaar kahaan se laaun