log Darte hain dushmani se tiri — Habib Jalib

kuchh aur bhi hain kaam hamein ai gham-e-jaanaan
kab tak koi uljhi hui zulfon ko sanvaare

sher se shaairi se Darte hain
kam-nazar raushni se Darte hain

duniyaa to chaahti hai yunhi faasle rahein
duniyaa ke mashvaron pe na jaa us gali mein chal

aane vaali barkhaa dekhein kyaa dikhlaae aankhon ko
ye barkhaa barsaate din to bin piritam be-kaar gae

kuchh log khayaalon se chale jaaein to soein
biite hue din raat na yaad aaein to soein

ik tiri yaad se ik tere tasavvur se hamein
aa gae yaad kai naam hasinaaon ke

jab ki pahlu se yaar uThtaa hai
dard be-ikhtiyaar uThtaa hai

barseingi aaj rahmatein aamad hai yaar ki
naayaab hain ye ghaDiyaan tire intizaar ki

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

har mulk is ke aage jhuktaa hai ehtiraaman
har mulk kaa hai father hindostaan hamaaraa

baDe hausle the pahle baDe valvale the pahle
jo amal kaa vaqt aayaa hue aap nau-do-gyaaraa

apni urdu to mohabbat ki zabaan thi pyaare
uff siyaasat ne use joD diyaa mazhab se