nazron se naaptaa hai samundar ki vusatein — Mohammad Alvi

sadiyon se kinaare pe khaDaa suukh rahaa hai
is shahr ko dariyaa mein giraa denaa chaahiye

sardi mein din sard milaa
har mausam bedard milaa

andheraa hai kaise tiraa khat paDhun
lifaafe mein kuchh raushni bhej de

maanaa ki tu zahin bhi hai khub-ru bhi hai
tujh saa na main huaa to bhalaa kyaa buraa huaa

aag apne hi lagaa sakte hain
ghair to sirf havaa dete hain

aaj phir mujh se kahaa dariyaa ne
kyaa iraada hai bahaa le jaaun

vo mere raaz mujh mein chaahtaa hai munkashif karnaa
mujhe mere ghane saae mein tanhaa chhoD jaataa hai

main takiye par sitaare bo rahaa huun
janam-din hai akelaa ro rahaa huun

naaz kar naaz tire naaz pe hai naaz mujhe
meri tanhaai hai partav tiri yaktaai kaa

mujh se chhuDvaae mire saare usuul us ne 'zafar'
kitnaa chaalaak thaa maaraa mujhe tanhaa kar ke

tanhaa na vo haathon ki hinaa le gai dil ko
mukhDe ke chhupaane ki adaa le gai dil ko

aisi tanhaa raaton mein hi aati hai
ek ghazal jo shaa'ir ko khaa jaati hai