vo mere raaz mujh mein chaahtaa hai munkashif karnaa — Ishrat Zafar

mire aqab mein hai aavaaza-e-numu ki guunj
hai dasht-e-jaan kaa safar kaamyaab apni jagah

jidhar bhi jaataa hai vo shola-e-bahaar-sarisht
duaaein detaa hai amboh-e-kushtgaan us ko

chashma-e-aab-e-ravaan hai jo saraab-e-jaan mein
us ki har lahr mein raqsaan hai tarannum teraa

vo ik lamha jo tere qurb ki khushbu se hai raushan
ab is lamhe ko paaband-e-salaasil chaahtaa huun main

chaar jaanib chikhti samton kaa shor
haanpte saae thakan aur inhitaat

mire kamre ki divaaron mein aise aaine bhi hain
ki jin ke paas har shakhs apnaa chehraa chhoD jaataa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

lamhon ke taar khinchtaa rahtaa thaa raat din
ik shakhs le gayaa miri sadiyaan sameT ke

har marhala-e-gham mein mili is se tasalli
har moD pe ghabraa ke tiraa naam liyaa hai

putliyon par raqs karnaa hi kalaam-e-fan nahin
dard ke aansu ko to paiham ravaani chaahiye