na rakkhaa jag mein rasm-e-dosti andoh-rozi ne — Mohammad Rafi Sauda

ammaame ko utaar ke paDhiyo namaaz shaikh
sajde se varna sar ko uThaayaa na jaaegaa

kis munh se phir tu aap ko kahtaa hai ishq-baaz
ai ru-siyaah tujh se to ye bhi na ho sakaa

firaaq-e-khuld se gandum hai sina-chaak ab tak
ilaahi ho na vatan se koi gharib judaa

'saudaa' se shakhs ke taiin aazurda kijiye
ai khud-parast haif nahin tu vafaa-parast

ishq se to nahin huun main vaaqif
dil ko shoala saa kuchh lipaTtaa hai

ye to nahin kahtaa huun ki sach-much karo insaaf
jhuTi bhi tasalli ho to jiitaa hi rahun main

jab ki pahlu se yaar uThtaa hai
dard be-ikhtiyaar uThtaa hai

kisi ne haath baDhaayaa hai dosti ke liye
phir ek baar khudaa e'tibaar de mujh ko

zinat-e-aghyaar kaliyaan ho gaiin
ghairat-e-ahl-e-chaman ko kyaa huaa

izhaar-e-ishq us se na karnaa thaa 'sheftaa'
ye kyaa kiyaa ki dost ko dushman banaa diyaa

mohabbat ki hamein fursat nahin thi
jamaal-e-yaar ne chaunkaa diyaa thaa

ai dost main khaamosh kisi Dar se nahin thaa
qaail hi tiri baat kaa andar se nahin thaa