ve suratein ilaahi kis mulk bastiyaan hain — Mohammad Rafi Sauda

ammaame ko utaar ke paDhiyo namaaz shaikh
sajde se varna sar ko uThaayaa na jaaegaa

kis munh se phir tu aap ko kahtaa hai ishq-baaz
ai ru-siyaah tujh se to ye bhi na ho sakaa

firaaq-e-khuld se gandum hai sina-chaak ab tak
ilaahi ho na vatan se koi gharib judaa

'saudaa' se shakhs ke taiin aazurda kijiye
ai khud-parast haif nahin tu vafaa-parast

ishq se to nahin huun main vaaqif
dil ko shoala saa kuchh lipaTtaa hai

ye to nahin kahtaa huun ki sach-much karo insaaf
jhuTi bhi tasalli ho to jiitaa hi rahun main

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

vahi jiine ki aazaadi vahi marne ki jaldi hai
divaali dekh li ham ne dasahre kar liye ham ne

aazaadi ki dhumein hain shohre hain taraqqi ke
har gaam hai paspaai har vaza ghulaamaana

raushni baanTtaa huun sarhadon ke paar bhi main
ham-vatan is liye ghaddaar samajhte hain mujhe

royaa thaa kaun kaun mujhe kuchh khabar nahin
main us ghaDi vatan se kai miil duur thaa