husn tanhaa nahin haqdaar vafaa kaa 'mohsin' — Mohsin Ummeedi Burhanpuri

apni marzi se bhi do-chaar qadam chalne de
zindagi ham tire kahne pe chale hain barson

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

puchhte hain log mujh se kyon miraa naam-o-nasab
soch lein paighambaron se silsila mil jaaegaa

kisi ki aankh se aansu bhi ponchh letaa kabhi
ghurur kartaa hai jo shakhs apne sajdon par

tere jaane ke baa'd jaanaa hai
zindagi hai safar udaasi kaa