libaas badle nahin ham ne mausamon ki tarah — Mohsin Zaidi

agar chaman kaa koi dar khulaa bhi mere liye
sumum ban gai baad-e-sabaa bhi mere liye

koi kashti mein tanhaa jaa rahaa hai
kisi ke saath dariyaa jaa rahaa hai

koi akelaa to main saadgi-pasand na thaa
pasand us ne bhi rangon mein rang saada kiyaa

duur rahnaa thaa jab us ko 'mohsin'
mere nazdik vo aayaa kyuun thaa

jaise do mulkon ko ik sarhad alag karti hui
vaqt ne khat aisaa khinchaa mere us ke darmiyaan

tiir o kamaan aap bhi 'mohsin' sambhaaliye
jab dosti ki aaD mein khanjar dikhaai de

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil bhi rakhtaa huun kuchh tamannaa bhi
muntazir huun tire ishaaron kaa

miraa dil bhi tilismi hai khazaana
ki is mein khair bhi hai aur shar band

jis din se apnaa tarz-e-faqiraana chhuT gayaa
shaahi to mil gai dil-e-shaahaana chhuT gayaa

dil mein phir vasl ke armaan chale aate hain
mere ruThe hue mehmaan chale aate hain