kahaan qismat mein is ki phuul honaa — Mubarak Azimabadi

dil lagaate hi to kah deti hain aankhein sab kuchh
aise kaamon ke bhi aaghaaz kahin chhupte hain

kuchh is andaaz se sayyaad ne aazaad kiyaa
jo chale chhuT ke qafas se vo giraftaar chale

tiri adaa ki qasam hai tiri adaa ke sivaa
pasand aur kisi ki hamein adaa na hui

tum ko samjhaae 'mubaarak' koi kyunkar afsos
tum to rone lage yaar aur bhi samjhaane se

miri khaak bhi uDegi baa-adab tiri gali mein
tire aastaan se unchaa na miraa ghubaar hogaa

rahne de apni bandagi zaahid
be-mohabbat khudaa nahin miltaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

vahi shai maqsad-e-qalb-o-nazar mahsus hoti hai
kami jis ki baraabar umr bhar mahsus hoti hai

duur khaamosh baiThaa rahtaa huun
is tarah haal dil kaa kahtaa huun

dildaar ki gali mein mukarrar gae hain ham
ho aae hain abhi to phir aa kar gae hain ham

tavaaf-e-kaaba-e-dil kar niyaaz-o-khaaksaari siin
vazu darkaar naiin kuchh is ibaadat mein tayammum kar