ibrat-aabaad bhi dil hote hain insaanon ke — Mukhtar Siddiqui

bastiyaan kaise na mamnun hon divaanon ki
vusatein in mein vahi laate hain viraanon ki

nur-e-sahar kahaan hai agar shaam-e-gham gai
kab iltifaat thaa ki jo khu-e-sitam gai

kyaa kyaa pukaarein sisakti dekhin lafzon ke zindaanon mein
chup hi ki talqin kare hai ghairat-mand zamir hamein

sahar-e-azal ko jo di gai vahi aaj tak hai musaafiri
ai tai karein to pata chale kahaan kaun kis ki talab mein hai

meri aankhon hi mein the an-kahe pahlu us ke
vo jo ik baat suni meri zabaani tum ne

main to har dhuup mein saayon kaa rahaa huun juuyaa
mujh se likhvaai saraabon ki kahaani tum ne

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

haal-e-dil sun ke vo aazurda hain shaayad un ko
is hikaayat pe shikaayat kaa gumaan guzraa hai

dil-rubaa tujh saa jo dil lene mein ayyaari kare
phir koi dilli mein kyaa dil ki khabardaari kare

aag is dil-lagi ko lag jaae
dil-lagi aag phir lagaane lagi

dil mein tum ho na jalaao mire dil ko dekho
meraa nuqsaan nahin apnaa ziyaan kijiyegaa