haal-e-dil sun ke vo aazurda hain shaayad un ko — Abdul Majeed Salik

hamaare Dubne ke baad ubhreinge nae taare
jabin-e-dahr par chhaTkegi afshaan ham nahin honge

tujhe kuchh ishq o ulfat ke sivaa bhi yaad hai ai dil
sunaae jaa rahaa hai ek hi afsaana barson se

charaagh-e-zindagi hogaa farozaan ham nahin honge
chaman mein aaegi fasl-e-bahaaraan ham nahin honge

jo unhein vafaa ki sujhi to na ziist ne vafaa ki
abhi aa ke vo na baiThe ki ham uTh gae jahaan se

ishq hai be-gudaaz kyuun husn hai be-niyaaz kyuun
meri vafaa kahaan gai un ki jafaa ko kyaa huaa

ab nahin jannat mashaam-e-kucha-e-yaar ki shamim
nikhat-e-zulf kyaa hui baad-e-sabaa ko kyaa huaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

fan kaa daavaa hai to kuchh jurat-e-izhaar bhi ho
zeb detaa nahin fankaar ko buzdil honaa

haqiqatein to aTal hain badal nahin saktin
magar kisi ki tasalli se hausla huaa hai

garche halkaa saa dhundlakaa hai tasavvur bhi tiraa
band aankhon ko ye manzar bhi bahut lagtaa hai

ki hai sargoshi sar-e-shaam mire dil ne phir
is liye ham ne lapeTaa nahin bistar apnaa