sataanaa qatl karnaa phir jalaanaa — Munawar Khan Ghafil

sitaare gum hue khurshid niklaa
araq jab yaar ne ponchhaa jabin se

apne majnun ki zaraa dekh to be-parvaai
pairahan chaak hai aur fikr silaane ki nahin

kucha-e-jaanaan mein yaaro kaun suntaa hai miri
mujh se vaan phirte hain laakhon daad aur be-daad mein

kaun dariyaa-e-mohabbat se utar saktaa hai paar
kashti-e-farhaad aakhir koh se Takraa gai

baad marne ke miri qabr pe aayaa 'ghaafil'
yaad aai mire iisaa ko davaa mere baad

vasl mein bhi nahin majaal-e-sukhan
is rasaai pe naa-rasaa hain ham

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

meri aankhon mein utarne vaale
Duub jaanaa tiri aadat to nahin

raaegaan vasl mein bhi vaqt huaa
par huaa khuub raaegaan jaanaan

mohabbat nek-o-bad ko sochne de ghair-mumkin hai
baDhi jab be-khudi phir kaun Dartaa hai gunaahon se