abr barse to inaayat us ki — Parveen Shakir

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

main sach kahungi magar phir bhi haar jaaungi
vo jhuuT bolegaa aur laa-javaab kar degaa

vo kahin bhi gayaa lauTaa to mire paas aayaa
bas yahi baat hai achchhi mire harjaai ki

laDkiyon ke dukh ajab hote hain sukh us se ajiib
hans rahi hain aur kaajal bhigtaa hai saath saath

tujhe manaaun ki apni anaa ki baat sunun
ulajh rahaa hai mire faislon kaa resham phir

ab to is raah se vo shakhs guzartaa bhi nahin
ab kis ummid pe darvaaze se jhaanke koi

pyaaso raho na dasht mein baarish ke muntazir
maaro zamin pe paanv ki paani nikal paDe

khultaa hai har ik shakhs ke qaamat ke baraabar
ye dil hai koi kaaTh kaa darvaaza nahin hai

sahraa-e-be-khayaal mein jal-thal kahaan ke hain
aakhir havaa-e-shauq ye baadal kahaan ke hain

do baadal aapas mein mile the phir aisi barsaat hui
jism ne jism se sargoshi ki ruuh ki ruuh se baat hui

chhup jaaein kahin aa ki bahut tez hai baarish
ye mere tire jism to miTTi ke bane hain

mil nahin saktaa jo main ne kho diyaa
maut kaa koi bhi mutabaadil nahin