haa.e vo log ga.e chāñd se milne aur phir — Muneer Niyazi

agar hoñ kachche gharoñdoñ meñ aadmī ābād
to ek abr bhī sailāb ke barābar hai

raushnī aadhī idhar aadhī udhar
ik diyā rakkhā hai dīvāroñ ke biich

aañkh se duur sahī dil se kahāñ jā.egā
jaane vaale tū hameñ yaad bahut aa.egā

palaT sakūñ hī na aage hī baḌh sakūñ jis par
mujhe ye kaun se raste lagā gayā ik shaḳhs

koī aur to nahīñ hai pas-e-ḳhanjar-āzmā.ī
hamīñ qatl ho rahe haiñ hamīñ qatl kar rahe haiñ

mujhe kamāl-e-suḳhan se navāzne vaale
samā'atoñ ko bhī ab zauq-e-āshnā.ī de

ab ke ham bichhḌe to shāyad kabhī ḳhvāboñ meñ mileñ
jis tarah sūkhe hue phuul kitāboñ meñ mileñ

takiya-e-maḳhmalī sirhāne rakh
lekin āñkhoñ siiñ apnī ḳhvāb nikāl

hamārā ishq ravāñ hai rukāvaToñ meñ 'zafar'
ye ḳhvāb hai kisī dīvār se nahīñ ruktā

bārhā terā intizār kiyā
apne ḳhvāboñ meñ ik dulhan kī tarah

yā rab hameñ to ḳhvāb meñ bhī mat dikhā.iyo
ye mahshar-e-ḳhayāl ki duniyā kaheñ jise

yahī hai zindagī kuchh ḳhvāb chand ummīdeñ
inhīñ khilaunoñ se tum bhī bahal sako to chalo