hijr-e-jaanaan ke alam mein ham farishte ban gae — Muneer Shikohabadi

khuub taazir-e-gunaah-e-ishq hai
naqd-e-jaan lenaa yahaan jurmaana hai

sunti hai roz naghma-e-zanjir-e-aashiqaan
vo zulf bhi hai silsila-e-ahl-e-chisht mein

jis roz main gintaa huun tire aane ki ghaDiyaan
suraj ko banaa deti hai sone ki ghaDi baat

haath milvaate ho tarsaae gilauri ke liye
kaf-e-afsos na mal jaae kahin paanv mein

jab kabhi maski kaTori kyaa sadaa paidaa hui
karti hai angiyaa ki chiDiyaa chahchahaane ki havas

ho gayaa maamur aalam jab kiyaa darbaar-e-aam
takhliya chaahaa to duniyaa saaf khaali ho gai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

din raat mai-kade mein guzarti thi zindagi
'akhtar' vo be-khudi ke zamaane kidhar gae

maanaa ki sab ke saamne milne se hai hijaab
lekin vo khvaab mein bhi na aaein to kyaa karein

allaah-ri nazaakat-e-jaanaan ki sher mein
mazmun bandhaa kamar kaa to dard-e-kamar huaa

ai be-khudi Thahr ki bahut din guzar gae
mujh ko khayaal-e-yaar kahin DhunDtaa na ho