dekhiye kab tak yahi haalat yahi aalam rahe — Mustafa Rahi

allaah tere haath hai khuddaariyon ki laaj
daanista haadsaat se Takraa gayaa huun main

be-khudi mein shaan-e-khuddaari bhi hai
khvaab mein ehsaas-e-bedaari bhi hai

dil dhaDaktaa hai sitaaron kaa yahaan
uf ye duniyaa kis qadar taarik hai

na samjhaa koi asraar-e-mohabbat
jo samjhaa kuchh dil-e-naadaan samjhaa

aadamiyyat kaa zikr kyaa naaseh
aadmi ab kahaan hain saae hain

shaayad hi raas aae mujhe aish-e-marg bhi
'raahi' gham-e-hayaat kaa maaraa huaa huun main

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ye aankhein ye dimaagh ye zakhmon kaa ghar badan
sab mahv-e-khvaab hain dil-e-be-taab ke sivaa

unhein khat mein likkhaa thaa dil muztarib hai javaab un kaa aayaa mohabbat na karte
tumhein dil lagaane ko kis ne kahaa thaa bahal jaaegaa dil bahalte bahalte

'naashaad' na koi naghma hai ye dard bharaa ik naala hai
kyaa samjhe koi dard-e-jigar jab choT na dil par khaai ho

bhalaa koi vaa'da-khilaafi ki had hai hisaab apne dil mein lagaa kar to socho
qayaamat kaa din aa gayaa rafta rafta mulaaqaat kaa din badalte badalte