dil dhaDaktaa hai sitaaron kaa yahaan — Mustafa Rahi

shaayad hi raas aae mujhe aish-e-marg bhi
'raahi' gham-e-hayaat kaa maaraa huaa huun main

allaah tere haath hai khuddaariyon ki laaj
daanista haadsaat se Takraa gayaa huun main

be-khudi mein shaan-e-khuddaari bhi hai
khvaab mein ehsaas-e-bedaari bhi hai

na samjhaa koi asraar-e-mohabbat
jo samjhaa kuchh dil-e-naadaan samjhaa

aadamiyyat kaa zikr kyaa naaseh
aadmi ab kahaan hain saae hain

dekhiye kab tak yahi haalat yahi aalam rahe
dil ki har dhaDkan ye kahti hai ki vo aane ko hain

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

piv binaa dil miraa udaasi hai
gaah jogi hai gaah sanyaasi hai

vahin pe TuTne lagtaa hai aitabaar-e-vafaa
jahaan yaqin zyaada dilaae jaate hain

ik shakl hamein phir bhaai hai ik surat dil mein samaai hai
ham aaj bahut sarshaar sahi par aglaa moD judaai hai

ishq ki choT kaa kuchh dil pe asar ho to sahi
dard kam ho yaa ziyaada ho magar ho to sahi