kaahkashaan ke khvaab 'muzaffar' dekh rahaa thaa — Muzaffar Warsi

Dubone vaalon ko sharminda kar chukaa hungaa
main Duub kar hi sahi paar utar chukaa hungaa

main ne noch ke pheinkin jo shiknein chaadar se
vo sab shiknein duniyaa maathe par le aai

yuun mahsus huaa apni gahraai mein jaa kar
jaise koi mauj kinaare par le aai

ham karein baat dalilon se to rad hoti hai
us ke honTon ki khamoshi bhi sanad hoti hai

vatan ki ret zaraa eDiyaan ragaDne de
mujhe yaqin hai ki paani yahin se niklegaa

kuchh na kahne se bhi chhin jaataa hai ejaaz-e-sukhan
zulm sahne se bhi zaalim ki madad hoti hai

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

main ne jo khvaab abhi dekhaa nahin hai 'akhtar'
meraa har khvaab usi khvaab ki taabir bhi hai

puraane khvaabon se reza reza badan huaa hai
ye chaahtaa huun ki ab nayaa koi khvaab dekhun

ab bhi aati hai tiri yaad pa is karb ke saath
TuTti niind mein jaise koi sapnaa dekhaa

khvaabida apne chaahne vaalon ko dekh kar
mumkin hai lauT jaae sahar jaagte raho