dil se ik yaad bhulaa di gai hai — Nadeem Bhabha

phir mujhe khud bhi khabar ho na saki main huun kahaan
aakhiri baar tire gaanv mein dekhaa gayaa huun

ham ghulaami ko muqaddar ki tarah jaante hain
ham tiri jiit tiri maat se nikle hue hain

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

charaagh dafn kiye the 'nadim' qabron mein
zamin se chaand numudaar ho gae saahib

ye tiri guftugu kaa lamha hai
is ghaDi hai miraa khudaa mire paas

ungliyaan pher mere baalon mein
ye miraa dard-e-sar nahin jaataa

mere khvaabon ke jharokon ko sajaate rahiye
na sahi vasl magar yaad to aate rahiye

dekh kar us ko lagaa jaise kahin ho dekhaa
yaad bilkul nahin aayaa mujhe ghanTon sochaa

DhunDoge agar mulkon mulkon milne ke nahin naayaab hain ham
jo yaad na aae bhuul ke phir ai ham-nafaso vo khvaab hain ham

yaad karnaa har ghaDi tujh yaar kaa
hai vazifa mujh dil-e-bimaar kaa

phir meri khabar lene vo sayyaad na aayaa
shaayad ki miraa haal use yaad na aayaa

shokh havaaon ke aanchal mein tham tham kar
shaam se hi hain dard puraane yaad aae