ham ghulaami ko muqaddar ki tarah jaante hain — Nadeem Bhabha

phir mujhe khud bhi khabar ho na saki main huun kahaan
aakhiri baar tire gaanv mein dekhaa gayaa huun

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

charaagh dafn kiye the 'nadim' qabron mein
zamin se chaand numudaar ho gae saahib

ye tiri guftugu kaa lamha hai
is ghaDi hai miraa khudaa mire paas

tum ne jab us ki baat ki tum pe bhi pyaar aa gayaa
chumaa nahin tumhein miyaan garche maqaam thaa zarur

ungliyaan pher mere baalon mein
ye miraa dard-e-sar nahin jaataa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa