ek rumaal aansuon se bharaa — Nadeem Bhabha

phir mujhe khud bhi khabar ho na saki main huun kahaan
aakhiri baar tire gaanv mein dekhaa gayaa huun

ham ghulaami ko muqaddar ki tarah jaante hain
ham tiri jiit tiri maat se nikle hue hain

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

charaagh dafn kiye the 'nadim' qabron mein
zamin se chaand numudaar ho gae saahib

ye tiri guftugu kaa lamha hai
is ghaDi hai miraa khudaa mire paas

ungliyaan pher mere baalon mein
ye miraa dard-e-sar nahin jaataa

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

shaaeri ishq gham rizq kitaabein ghar-baar
kitni samton mein ba-yak-vaqt guzar hai meraa

tujh bin ik dal ho paas rahtaa hai
vo bhi akasr udaas rahtaa hai