is shahar mein khvaabon ki imaarat nahin banti — Nafas Ambalvi

sunaa hai vo bhi mire qatl mein mulavvis hai
vo bevafaa hai magar itnaa bevafaa bhi nahin

marne ko mar bhi jaaun koi masala nahin
lekin ye tai to ho ki abhi ji rahaa huun main

use gumaan hai ki meri uDaan kuchh kam hai
mujhe yaqin hai ki ye aasmaan kuchh kam hai

ab un ki khvaab-gaahon mein koi aavaaz mat karnaa
bahut thak-haar kar fōtpath par mazdur soe hain

uThaa laayaa kitaabon se vo ik alfaaz kaa jangal
sunaa hai ab miri khaamoshiyon kaa tarjuma hogaa

tu dariyaa hai to hogaa haan magar itnaa samajh lenaa
tire jaise kai dariyaa miri aankhon mein rahte hain

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jab bhi aql banaati hai pahlaa misraa
dil ko misra-e-saani honaa paDtaa hai

chhoD kar ham ko milaa shama-rukhon se jaa kar
isi qaabil hai tu ai dil ki jalaaein tujh ko

vo to kahiye aap ki ulfat mein dil bahlaa rahaa
varna duniyaa chaar din bhi rahne ke qaabil na thi

mire aaina-e-dil kaa use manzur thaa lenaa
jo ghairon mein kahaa bhonDaa buraa bad-rang naakaara