naam honTon pe tiraa aae to raahat si mile — Naqsh Layalpuri

ham ne kyaa paa liyaa hindu yaa musalmaan ho kar
kyuun na insaan se mohabbat karein insaan ho kar

main duniyaa ki haqiqat jaantaa huun
kise milti hai shohrat jaantaa huun

ye anjuman ye qahqahe ye mahvashon ki bhiiD
phir bhi udaas phir bhi akeli hai zindagi

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

ji churaane ki nahin shart dil-e-zaar yahaan
ranj uThaane hi ki Thahri hai to phir dil se uThaa