main duniyaa ki haqiqat jaantaa huun — Naqsh Layalpuri

ham ne kyaa paa liyaa hindu yaa musalmaan ho kar
kyuun na insaan se mohabbat karein insaan ho kar

naam honTon pe tiraa aae to raahat si mile
tu tasalli hai dilaasa hai duaa hai kyaa hai

ye anjuman ye qahqahe ye mahvashon ki bhiiD
phir bhi udaas phir bhi akeli hai zindagi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

duniyaa gharib jaan ke hansti thi 'mir' par
'iqbaal' mujh pe aise ye duniyaa hansi ki bas

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain