de dein abhi kare jo koi khub-ru pasand — Naseem Bharat Puri

dil ki shaamat aai jaa kar phans gayaa
yaar ke gesu-e-pur-kham kyaa karein

ye but qismat ke puure haT ke puure dhun ke puure hain
koi in mein se ho vaade kaa puuraa ho nahin saktaa

aap ki mahfil-e-ishrat ko na chhoDaa khaali
main agar aa na sakaa meri shikaayat aai

dil bhalaa aashiqon ke paas kahaan
aap hi chin-chaan lete hain

mai-kade ke qarib ham vaaiz
teri zid se makaan lete hain

tasalliyaan bhi nahin un ki chheD se khaali
rulaa ke chhoDte hain vo hansaa hansaa ke mujhe

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

sabhi se jab mohabbat chaahte ho
mohabbat kyon nahin karte sabhi se

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa