gung hain jin ko khamoshi kaa mazaa hotaa hai — Naseem Dehlvi

harfon ke mile joD baDhaa husn raqam kaa
har lafz ke paivand mein bakhiya hai qalam kaa

tasadduq hone vaale pis na jaaein
uThaae haath se daaman ko chaliye

allaah re taraddud-e-khaatir ki kasratein
tuuda banaa diyaa mujhe gard-e-malaal kaa

husn-e-barahnagi ke uThaate baDe maze
hotaa na ruuh ko jo libaas-e-badan hijaab

ek se do daagh do se chaar phir to saikDon
khilte khilte phuul siine par gulistaan ho gayaa

matlab hai miraa aariz-e-pur-nur kaa jalva
aashiq huun tiraa naam ko banda huun khudaa kaa

main baDaa ho gayaa huun magar bachpanaa
mere dil se kabhi bhi gayaa hi nahin

raat yuun dil mein tiri khoi hui yaad aai
jaise viraane mein chupke se bahaar aa jaae

shaayad zabaan pe qarz thaa ham ne chukaa diyaa
khaamosh ho gae hain tujhe ham pukaar ke

baDi hasrat se insaan bachpane ko yaad kartaa hai
ye phal pak kar dobaara chaahtaa hai khaam ho jaae

sabab khaamoshiyon kaa main nahin thaa
mire ghar mein sabhi kam bolte the

kitnaa aasaan thaa bachpan mein sulaanaa ham ko
niind aa jaati thi pariyon ki kahaani sun kar