husn-e-barahnagi ke uThaate baDe maze — Naseem Dehlvi

harfon ke mile joD baDhaa husn raqam kaa
har lafz ke paivand mein bakhiya hai qalam kaa

tasadduq hone vaale pis na jaaein
uThaae haath se daaman ko chaliye

allaah re taraddud-e-khaatir ki kasratein
tuuda banaa diyaa mujhe gard-e-malaal kaa

ek se do daagh do se chaar phir to saikDon
khilte khilte phuul siine par gulistaan ho gayaa

paD gai chhinT to itnaa na khafaa ho vaaiz
mai rahegi tiri aaghosh mein dukhtar ho kar

matlab hai miraa aariz-e-pur-nur kaa jalva
aashiq huun tiraa naam ko banda huun khudaa kaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

jaan-bujh kar samajh kar main ne bhulaa diyaa
har vo qissa jo dil ko bahlaane vaalaa thaa

phir nahin mere sivaa koi bhi hotaa teraa
tu agar jaan ye jaataa ki mohabbat kyaa hai