tasadduq hone vaale pis na jaaein — Naseem Dehlvi

harfon ke mile joD baDhaa husn raqam kaa
har lafz ke paivand mein bakhiya hai qalam kaa

allaah re taraddud-e-khaatir ki kasratein
tuuda banaa diyaa mujhe gard-e-malaal kaa

husn-e-barahnagi ke uThaate baDe maze
hotaa na ruuh ko jo libaas-e-badan hijaab

ek se do daagh do se chaar phir to saikDon
khilte khilte phuul siine par gulistaan ho gayaa

paD gai chhinT to itnaa na khafaa ho vaaiz
mai rahegi tiri aaghosh mein dukhtar ho kar

matlab hai miraa aariz-e-pur-nur kaa jalva
aashiq huun tiraa naam ko banda huun khudaa kaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

sadaa-e-shahr fusun hai nazar na dar se haTaa
vo misl-e-sang huaa jis ne lauT kar dekhaa

bachche meri ungli thaame dhire dhire chalte the
phir vo aage dauD gae main tanhaa pichhe chhuT gayaa

sadaaein Duub jaati hain havaa ke shor mein aur main
gali-kuchon mein tanhaa chikhtaa rahtaa huun baarish mein