aage kuchh baDh kar milegi masjid-e-jaame 'riyaaz' — Riyaz Khairabadi

mai-khaane mein mazaar hamaaraa agar banaa
duniyaa yahi kahegi ki jannat mein ghar banaa

aap aae to khayaal-e-dil-e-naashaad aayaa
aap ne yaad dilaayaa to mujhe yaad aayaa

ghurur bhi jo karun main to aajizi ho jaae
khudi mein lutf vo aae ki be-khudi ho jaae

ham jaante hain lutf-e-taqaazaa-e-mai-farosh
vo naqd mein kahaan jo mazaa hai udhaar mein

baDe paak tinat baDe saaf baatin
'riyaaz' aap ko kuchh hamin jaante hain

aisi hi intizaar mein lazzat agar na ho
to do ghaDi firaaq mein apni basar na ho

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

kyunkar na lutf baada-kashi kaa ho aab mein
baarish mein jo huruf hain vo hain sharaab mein

ruuh se lipTe dard ke manzar
TuuT rahe hain zakhm ke paikar

zindagi zor hai ravaani kaa
kyaa thamegaa bahaav paani kaa

niind kaa halkaa gulaabi saa khumaar aankhon mein thaa
yuun lagaa jaise vo shab ko der tak soyaa nahin