aas hi se dil mein paidaa zindagi hone lagi — Nazeer Banarasi

umr bhar ki baat bigDi ik zaraa si baat mein
ek lamha zindagi bhar ki kamaai khaa gayaa

bad-gumaani ko baDhaa kar tum ne ye kyaa kar diyaa
khud bhi tanhaa ho gae mujh ko bhi tanhaa kar diyaa

ye inaayatein ghazab ki ye balaa ki mehrbaani
miri khairiyat bhi puchhi kisi aur ki zabaani

vo aaina huun jo kabhi kamre mein sajaa thaa
ab gir ke jo TuuTaa huun to raste mein paDaa huun

dusron se kab talak ham pyaas kaa shikva karein
laao tesha ek dariyaa dusraa paidaa karein

andheraa maangne aayaa thaa raushni ki bhiik
ham apnaa ghar na jalaate to aur kyaa karte

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

meri saari zindagi ko be-samar us ne kiyaa
umr meri thi magar us ko basar us ne kiyaa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

bas ek pal ki tamannaa-e-vasl ki khaatir
tamaam 'umr lagaa di gai sanvarne mein