umr bhar ki baat bigDi ik zaraa si baat mein — Nazeer Banarasi

bad-gumaani ko baDhaa kar tum ne ye kyaa kar diyaa
khud bhi tanhaa ho gae mujh ko bhi tanhaa kar diyaa

ye inaayatein ghazab ki ye balaa ki mehrbaani
miri khairiyat bhi puchhi kisi aur ki zabaani

vo aaina huun jo kabhi kamre mein sajaa thaa
ab gir ke jo TuuTaa huun to raste mein paDaa huun

dusron se kab talak ham pyaas kaa shikva karein
laao tesha ek dariyaa dusraa paidaa karein

raasta roke hue kab se khaDi hai duniyaa
na idhar hoti hai zaalim na udhar hoti hai

andheraa maangne aayaa thaa raushni ki bhiik
ham apnaa ghar na jalaate to aur kyaa karte

kam-umri mein sunet hain
mar jaate hain achchhe log

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

umr hi teri guzar jaaegi un ke hal mein
teraa bachcha jo savaalaat liye baiThaa hai

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

meri saari zindagi ko be-samar us ne kiyaa
umr meri thi magar us ko basar us ne kiyaa