ye khuddaar honaa hi laayaa kharaabi — Nazeer Siddiqui

jis darja nek hone ki milti rahi hai daad
us darja nek banne kaa armaan kabhi na thaa

aae to dil thaa baagh baagh aur gae to daagh daagh
kitni khushi vo laae the kitnaa malaal de gae

raat se shikaayat kyaa bas tumhin se kahnaa hai
tum zaraa Thahar jaao raat kab Thaharti hai

abhi se vo daaman chhuDaane lage ho
jo ab tak mire haath aayaa nahin hai

aur hi vo log hain jin ko hai yazdaan ki talaash
mujh ko insaanon ki duniyaa mein hai insaan ki talaash

kisi ki mehrbaani se mohabbat mutmain kyaa ho
mohabbat to mohabbat se bhi aasuda nahin hoti

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ishq kaa zauq-e-nazaara muft mein badnaam hai
husn khud be-taab hai jalva dikhaane ke liye

mohabbat to ham ne bhi ki aur bahut ki
magar husn ko ishq karnaa na aayaa

ishq mein ain hunar-mandi hai
sab jise be-hunari kahte hain

'yagaanaa' vahi faateh-e-lakhknau hain
dil-e-sang-o-aahan mein ghar karne vaale