ashk Dhalte nahin dekhe jaate — Abdullah Javed

dekhte ham bhi hain kuchh khvaab magar haae re dil
har nae khvaab ki taabir se Dar jaataa hai

saahil pe log yunhi khaDe dekhte rahe
dariyaa mein ham jo utre to dariyaa utar gayaa

phir nai hijrat koi darpesh hai
khvaab mein ghar dekhnaa achchhaa nahin

aap ke jaate hi ham ko lag gai aavaargi
aap ke jaate hi ham se ghar nahin dekhaa gayaa

karbalaa mein rukh-e-asghar ki taraf
tiir chalte nahin dekhe jaate

tum apne aks mein kyaa dekhte ho
tumhaaraa aks bhi tum saa nahin hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kar na jurat tu ai tabib ki ye
dil kaa dhaDkaa hai ikhtilaaj nahin

dil ki taklif kam nahin karte
ab koi shikva ham nahin karte

ik nazar ne kiyaa hai kaam tamaam
aarzu bhi to thi yahi dil ki

sitam hai sitam kaaba-e-dil kaa Dhaanaa
ye kyaa kar rahe ho ye kyaa ho rahaa hai