aisi hi ek shab mein kisi se milaa thaa dil — Nomaan Shauque

is baar intizaam to sardi kaa ho gayaa
kyaa haal peD kaTte hi basti kaa ho gayaa

vo saanp jis ne mujhe aaj tak Dasaa bhi nahin
tamaam zahr sukhan mein mire usi kaa hai

phir is mazaaq ko jamhuriyat kaa naam diyaa
hamein Daraane lage vo hamaari taaqat se

apni aahaT pe chaunktaa huun main
kis ki duniyaa mein aa gayaa huun main

vo tanz ko bhi husn-e-talab jaan khush hue
ulTaa paDhaa gayaa, miraa paighaam aur thaa

bas tire aane ki ik afvaah kaa aisaa asar
kaise kaise log the bimaar achchhe ho gae

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ahl-e-imaan 'soz' ko kahte hain kaafir ho gayaa
aah yaa rab raaz-e-dil in par bhi zaahir ho gayaa

ki dil ne dil-baraan-e-jahaan ki bahut talaash
kui dil-rubaa milaa hai na dil-khvaah kyaa kare

miraa khun-e-dil yuun bahaa dasht mein
ki jangal mein lohu ke thaale paDe

yuun mohabbat kaa badal kuchh bhi nahin
sochtaa huun itnaa haq de duun tumhein