saliqa jin ko hotaa hai gham-e-dauraan mein jiine kaa — Nushur Wahidi

duniyaa ki bahaaron se aankhein yuun pher liin jaane vaalon ne
jaise koi lambe qisse ko paDhte paDhte uktaa jaae

hazaar shama farozaan ho raushni ke liye
nazar nahin to andheraa hai aadmi ke liye

khaak aur khuun se ik shama jalaai hai 'nushur'
maut se ham ne bhi sikhi hai hayaat-aaraai

diyaa khaamosh hai lekin kisi kaa dil to jaltaa hai
chale aao jahaan tak raushni maalum hoti hai

sarak kar aa gaiin zulfein jo in makhmur aankhon tak
main ye samjhaa ki mai-khaane pe badli chhaai jaati hai

aghyaar ko gul-pairahani ham ne ataa ki
apne liye phulon kaa kafan ham ne banaayaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

maan khush hai ki aakhir bachche siikh gae hain khush rahnaa
bachche khush hain siikh gae hain dard chhupaanaa achchhe se

is nae saal ke svaagat ke liye pahle se
ham ne poshaak udaasi ki silaa ke rakh li

ab to vahaan hain jis kaa bayaan bhi hai laa-vajud
sadmon pe haae haae kare ab vo dil kahaan