bachchon ko ham na ek khilaunaa bhi de sake — Obaidur Rahman

koi dimaagh se koi sharir se haaraa
mein apne haath ki andhi lakir se haaraa

mere jazbaat aansuon vaale
sher sab hichkiyon se likhtaa huun

hamein hijrat samajh mein itni aai
parinda aab-o-daana chaahtaa hai

nazar mein duur talak rahguzar zaruri hai
kisi bhi samt ho lekin safar zaruri hai

taamir-o-taraqqi vaale hain kahiye bhi to un ko kyaa kahiye
jo shish-mahal mein baiThe hue mazdur ki baatein karte hain

aangan aangan khuun ke chhinTe chehra chehra be-chehra
kis kis ghar kaa zikr karun mein kis kis ke sadmaat likhun

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

dil-zaminein 'ishq ke mausam mein khaali ho gaiin
ug rahi hain un pe ab be-mausami tanhaaiyaan

sadaa chaman se jo aati hai roz chaT chaT ki
balaaein ghunche tiri subh o shaam lete hain

sadaa-e-qulqul-e-minaa mujhe nahin aati
mire savaal kaa shishe mein kuchh javaab nahin