yaad aayaa bhi to yuun ahd-e-vafaa — Qayyum Nazar

puchho to ek ek hai tanhaa sulag rahaa
dekho to shahr shahr hai mela lagaa huaa

teri nigah se tujh ko khabar hai ki kyaa huaa
dil zindagi se baar-e-digar aashnaa huaa

naqsh-e-kaf-e-paa ne gul khilaae
viraan kahaan ab ye raasta hai

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

musaafirat kaa valvala siyaahaton kaa mashghala
jo tum mein kuchh ziyaada hai safar karo safar karo

aisaa ek maqaam ho jis mein dil jaisi viraani ho
yaadon jaisi tez havaa ho dard se gahraa paani ho

yaad-e-maazi 'azaab hai yaa-rab
chhin le mujh se haafiza meraa

raatein saari karvaT mein hi biit rahin
yaadein bhi kitni bechaini deti hain