naqsh-e-kaf-e-paa ne gul khilaae — Qayyum Nazar

puchho to ek ek hai tanhaa sulag rahaa
dekho to shahr shahr hai mela lagaa huaa

teri nigah se tujh ko khabar hai ki kyaa huaa
dil zindagi se baar-e-digar aashnaa huaa

yaad aayaa bhi to yuun ahd-e-vafaa
aah ki be-asari yaad aai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

ho bhaTakne kaa jise shauq mire saath chale
jo ho manzil kaa talabgaar palaT jaae abhi

ham ruh-e-safar hain hamein naamon se na pahchaan
kal aur kisi naam se aa jaaeinge ham log