dosti jab kisi se ki jaae — Rahat Indori

main aa kar dushmanon mein bas gayaa huun
yahaan hamdard hain do-chaar mere

us ki yaad aai hai saanso zaraa aahista chalo
dhaDkanon se bhi ibaadat mein khalal paDtaa hai

chaand suraj miri chaukhaT pe kai sadiyon se
roz likkhe hue chehre pe savaal aate hain

main mar jaaun to meri ek alag pahchaan likh denaa
lahu se meri peshaani pe hindustaan likh denaa

ye havaaein uD na jaaein le ke kaaghaz kaa badan
dosto mujh par koi patthar zaraa bhaari rakho

botalein khol kar to pi barson
aaj dil khol kar bhi pi jaae

jab ki pahlu se yaar uThtaa hai
dard be-ikhtiyaar uThtaa hai

nai mohabbatein 'khaalid' puraani dostiyaan
azaab-e-kashmakash-e-be-amaan mein rahte hain

nahin maalum ai yaaro 'sabaa' ke dil mein kyaa aayaa
abhi jo baiThe baiThe vo yakaayak aah kar uTThaa

kaun rotaa hai kisi aur ki khaatir ai dost
sab ko apni hi kisi baat pe ronaa aayaa

taalaab iraade kaa bhare pal mein labaalab
jab yaar ke dariyaa-e-karam suun lahr aave

guzre jo apne yaaron ki sohbat mein chaar din
aisaa lagaa basar hue jannat mein chaar din