main thaa kisi ki yaad thi jaam-e-sharaab thaa — Rajendra Nath Rahbar

kahin zamin se ta'alluq na khatm ho jaae
bahut na khud ko havaa mein uchhaaliye saahib

ek din bhige the barsaat mein ham tum donon
ab jo barsaat mein bhigoge to yaad aaungaa

baiThe raho kuchh der abhi aur muqaabil
armaan abhi dil ke hamaare nahin nikle

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

vatan ke log sataate the jab vatan mein the
vatan ki yaad sataati hai jab vatan mein nahin

main agar TuuTaa to saaraa shahr bikhregaa 'nabil'
aisaa patthar huun fasil-e-shahr ki buniyaad kaa

mausam-e-gul hamein jab yaad aayaa
jitnaa gham bhule the sab yaad aayaa

tamaam yaadein mahak rahi hain har ek ghuncha khilaa huaa hai
zamaana biitaa magar gumaan hai ki aaj hi vo judaa huaa hai